時間過得飛咁快，呢位眼仔碌碌嘅小妹妹，順利考入大學了🥳🥳🥰🥰~
細囡Ruby家陣好少影相，...

時間過得飛咁快，呢位眼仔碌碌嘅小妹妹，順利考入大學了🥳🥳🥰🥰~
細囡Ruby家陣好少影相，我唯有搵番佢小時候嘅相片出來吧~😂😅
呢張相係Ruby 5歲時拍攝，想當年Ruby好黏我，在我的相機前表現得好似好外向，實際上佢好怕同陌生人溝通，當時我嘅廣告界朋友，話不如比Ruby 試鏡，等佢响陌生人面前表現自己，練練膽量，我覺得一試無妨，所以同佢去Casting，估唔到被選中拍咗麥當勞電視廣告，呢個係一個特別嘅體驗，及後我冇再同佢繼續試鏡，因為試鏡嘅初心都只係為同佢練練膽量，體驗過就足夠😉
以前我有講過，我係另類家長，沒要求女兒報讀任何進修班/補習班，但如佢哋有需要，可以請補習老師比佢哋，總之佢哋自己攪掂，長期同佢哋講，佢哋讀書讀成點唔係我嘅責任，我可以提供資源比佢，但要我長期專注佢哋嘅學業，要用咁多心力，我真係無能為力，哈~可能佢哋遇到呢位濶佬懶理嘅呀媽，佢哋要掙扎求存，所以自動波攪掂，在此要多謝兩個囡，包容呢個只係識煮飯比佢哋食嘅。。另類呀媽😂😂🤣🤣

---